Ábyrgð og þjónusta
Viðhald
Samstarf okkar við Volvo Cars þýðir víðfeðmt net þjónustustaða með tæknilega sérþekkingu sem þarf til að viðhalda, gera við og uppfæra Polestar bíla.
Finndu næsta þjónustustað
Minni þörf á þjónustu
Dæmigerð aflrás bensín- eða dísilbíls inniheldur yfir 2.000 hluti sem hreyfast, meðan rafdrifna aflrás Polestar 4 er með um 50. Af því leiðir að minni þörf er á þjónustu þar sem, í rauninni, eru dekk, rúðuþurrkublöð og loftsía farþegarýmis einu hlutirnir sem þarf að athuga reglulega.
Ókeypis í þrjú ár
Jafnvel þótt rafbílar séu með færri vélræna hluta og verða þar af leiðandi fyrir minna sliti, kemur Polestar 4 með ókeypis þjónustuáætlun fyrir fyrstu þrjú árin af eignarhaldi, eða að 50.000 km, hvort sem á undan kemur. Hún heldur bílnum í besta mögulega ástandi og tryggir að ábyrgðin falli ekki úr gildi.
Meira um viðhaldÁbyrgð
Polestar bílar eru byggðir samkvæmt sömu kröfuhörðu viðmiðunum og þeir eru hannaðir. Polestar ábyrgðin endurspeglar þessa þráhyggju varðandi gæði, hún nær yfir viðgerðir eða útskiptingu á biluðum íhlutum, rafhlöðupakkanum, lakki og ryði af völdum framleiðslugalla.
Ökutækisábyrgð
Ef einhver hluti bílsins bilar vegna framleiðslugalla verður gert við hann án endurgjalds á viðurkenndum Polestar þjónustustað (service point). Þessi ábyrgð nær yfir fyrstu þrjú árin eftir afhendingu, burtséð frá breytingum á eignarhaldi, svo framarlega sem farið hafi verið eftir þjónustuáætlun Polestar.
Rafhlöðuábyrgð
Allir gallar í virkni rafhlöðu, efni eða vinnu verða lagfærðir án endurgjalds innan 8 ára eða 160.000 km, hvort sem kemur á undan. Ef ástand rafhlöðunnar (SoH) fellur niður fyrir 70% af upphaflegri rýmd innan fyrstu 8 ára af eignarhaldi, verður skipt um rafhlöðuna án endurgjalds.
Ryðvarnarábyrgð
Ef einhversstaðar er gat á yfirbyggingunni vegnar tæringar verður gert við eða skipt út þeim þiljum sem þetta hefur áhrif á án endurgjalds af viðurkenndum Polestar þjónustustað (service point). Ryðvarnarábyrgðin nær yfir fyrstu 12 árin eftir afhendingu burtséð frá breytingum á eignarhaldi.
Uppfærslur yfir netið
Alltaf uppfærður. Stöðugt er verið að þróa hugbúnað Polestar 4 til að tryggja að eiginleikar bílsins standist kröfur framtíðarinnar. Búast má við stöðugum uppfærslum á stýrikerfum, öppum og kerfum bílsins yfir líftíma ökutækisins án þess að heimsækja þurfi þjónustustað (service point).
Polestar aðstoð
Allir nýir Polestar 4 koma með þriggja ára ókeypis vegaaðstoð. Með því að ýta á tengja-hnappinn á toppstjórnborðinu fæst aðgangur að viðurkenndri þjónustu alla daga allan sólarhringinn, þ.m.t. við endurheimt bifreiðar, útvegun annars flutningsmáta eða næturdvalarstaðar ef þarf.
Meira um Polestar aðstoðGagnameðhöndlun og persónuvernd
Ákveðnir eiginleikar í Polestar 4 geta krafist aðgangs að ökutækis-, staðsetningar- og öðrum persónuupplýsingum til að geyma kjörstillingar og bæta akstursupplifunina. Finna má allar upplýsingar um hvernig gögn eru notuð og þeim deilt á persónuverndarsíðum Polestar.
Meira um persónuvernd
Persónulegar upplýsingar
Polestar ID virkjar aðgang að úrvali Polestar þjónustu, sem krefst persónulegra upplýsingar til að upplifun viðskiptavinarins verði eins og best verður á kosið. Polestar ID veitir einnig notandanum heimild til að stjórna bílnum með Polestar appinu og leyfir Polestar 4 að tengja stillingar fyrir sæti, stýrisskynjun o.fl. við ákveðinn ökumann.
Ökutækis- og staðsetningargögn
Gögn sem innihalda verksmiðjunúmer ökutækis (VIN), staðsetningu ökutækis og tímastimpla eru tímabundið geymd og framkvæmd úrvinnsla á þeim vegna virkra öryggiseiginleika, öryggistengdrar þjónustu og notkunar SOS- eða tengja-hnappsins.
Google öpp og þjónusta
Polestar 4 kemur með Google² innbyggðu sem gerir kleift að nota Google öpp og þjónustu í bílnum. Ökumaðurinn getur breytt stillingum fyrir deilingu og persónuvernd hvenær sem er.
Meira í þjónustuskilmálum GoogleFáðu frekari upplýsingar um Polestar 4
- Fáanleiki sækja og afhenda þjónustu fer eftir getu og staðbundnum forgangi þjónustuaðila okkar.
- Google, Google Play, Google Maps og YouTube Music eru vörumerki Google LLC. Google Assistant og sumir tengdir eiginleikar eru ekki fáanlegir fyrir öll tungumál eða lönd. Sjá g.co/assistant/carlanguages varðandi fáanlegar uppfærslur fyrir tungumál og lönd. Ekki eru allar þjónustur, eiginleikar, forrit eða áskilin samhæf tæki fáanleg fyrir öll tungumál eða lönd, og geta verið mismunandi eftir gerð bifreiðar. Frekari upplýsingar má finna á hjálparsíðunni (Help Center) og á vefsíðum Google Assistant, Google Maps, Google Play eða framleiðandans.
- Myndefni er einungis til skýringar.