Öryggi
Með því að deila sérfræðiþekkingu með Volvo Cars byggir Polestar 3 á næstum því 100 árum af byltingarkenndri þróun í öryggi. Hannaður samkvæmt nýjustu uppfinningum í samsetningu og með háþróuðum ökumannsaðstoðarkerfum (ADAS), er hann í fararbroddi í öryggis- og forvarnatækni.
SmartZone™
Þar sem Polestar 3 þarf ekki grill, er því skipt út fyrir SmartZone, sem inniheldur myndavélar, skynjara og upphitaða ratsjá. Það gerir bílnum kleift að greina aðra vegfarendur og hugsanlega hættulegar aðstæður sem gætu farið framhjá mannsauganu, jafnvel í öllum veðrum og skyggni.
Innri radarar og myndavélar
Tvær innrauðar myndavélar fylgjast með augum ökumannsins og fjórar hreyfiskynjandi radarar fylgjast með innanrými bílsins. Myndavélarnar geta greint merki um þreytu eða syfju, jafnvel í gegnum gleraugu. Radararnir hjálpa til við að tryggja að engin börn eða gæludýr séu óvart skilin eftir í bílnum. Báðir eiginleikarnir virka án þess að geyma upplýsingar.
Farþegaskynjunarkerfi
Þegar bíllinn er yfirgefinn skanna fjórir hreyfiskynjarar farþegarýmið. Minnsta hreyfing stöðvar læsingu allra hurða og virkjar viðvörun um að barn eða gæludýr gæti ennþá verið inn í bílnum. Ef þess er óskað er hægt að hafa Polestar 3 læstan meðan loftgæðakerfið helst virkt.
Snjöll lýsing
Að veita bestu lýsingu í öllum aðstæðum, aðlögunarlýsingartækni Polestar 3 eykur öryggi og akstursupplifun.
1.3 megapixel HD LED
Þessi valkvæðu aðalljós eru með sjálfvirka aðlögun styrks, dreifingar og geislahæðar að umhverfi bílsins í gegnum 1,3 milljón örsmáa stillanlega spegla. Speglaeiningarnar skyggja út ökutæki sem koma úr gagnstæðri átt og beint geislanum að dekkri hlutum vegarins til að draga úr glömpum.
Fáanlegt sem uppfærsla.
Virk háljós
Hið háþróaða kerfi fyrir virkan hágeisla greinir bæði umferð úr gagnstæðri átt og bíla sem eru fyrir framan Polestar 3, og skiptir sjálfkrafa í lággeisla til að forðast að blinda aðra ökumenn.
Viðvörunarröð afturljósa
Með Polestar 3 er unnið á virkan hátt að því marki að auka öryggi allra ökumanna. Ef þrýst er mjög snöggt á hemlafetilinn skynja kerfin um borð hugsanlegt neyðartilvik og afturljósin blikka sjálfkrafa með viðvörunarljósaröð.
Aðstoð við akstur
Háþróað aðstoðarkerfi ökumanns (ADAS) í Polestar 3 bætir við auknu öryggi án þess að skerða ekta akstursupplifunina.
Pilot Assist
Pilot Assist greinir ef Polestar 3 færist of nálægt akreinamerkingunum. Það virkar á allt að 150 km/klst. hraða (þar sem leyfður) og heldur bílnum á miðri akreininni með varfærnum aðlögunum á stýringu þegar þörf krefur.
Fáanlegt sem uppfærsla.
Aðstoð við akreinaskipti
Aðstoð við akreinaskipti (Lane change assist) er viðbót við virkni Pilot Assist sem gerir Polestar 3 kleift að stýra sjálfum sér inn í akreinina við hliðina. Það eina sem ökumaðurinn þarf að gera er að færa stefnuljósastöngina alveg upp eða niður og bíllinn mun einungis halda áfram ef myndavél eða ratsjár kerfisins gefa til kynna að það sé öruggt.
Fáanlegt sem uppfærsla.
Veglínuskynjari
Ef veglínuskynjarinn (Lane Keeping Aid) greinir að bíllinn sé að fara að skipta um akrein án þess að nota stefnuljósin stýrir hann bílnum mjúklega aftur í akrein sína. Ef þetta lagar ekki vandamálið er ökumanninum gert viðvart með titringi í stýrinu.
Útafakstursvörn
Gúmmíinu haldið á veginum. Ef Polestar 3 leitar í átt að vegöxlinni þá aðstoðar útafakstursvörnin (Run-off Road Mitigation) við að stýra bílnum tilbaka. Ef bíllinn fer samt út af yfirborði vegarins beitir bíllinn hemlunum og undirbýr öryggisbeltin fyrir mögulegan árekstur
Bílastæðisaðstoð
Polestar 3 notar myndavélar og úthljóðsskynjara til að hjálpa þér að leggja í stæði. Breiðhornsmyndavélar fyrir bílastæði gera það líka auðveldara að hreyfa sig í þröngum götum og í kringum beygjur. Bíllinn varar þig við mögulegum hættum og grípur til fyrirbyggjandi aðgerða þegar þörf er á.
360° myndavél með þrívíddarútsýni
Við tilfærslur á lágum hraða sýnir Polestar 3 umhverfi sitt úr lofti. Bílastæðahjálp notar 360° úthljóðsskynjara og myndavélar með gleiðhornslinsu til að mæla fjarlægðina frá hindrunum framan og aftan við bílinn, og varar ökumanninn við með mynd og hljóði að hann þurfi að afstýra árekstri.
Fáanlegt sem uppfærsla.
Umferðarskynjari að aftan (Cross Traffic Alert) með sjálfvirkri hemlun
Þegar bakkað er út úr stæði skanna afturratsjár Polestar 3 eftir bílum, hjólreiðamönnum og gangandi vegfarendum sem nálgast. Í kjölfar viðvarana með mynd og hljóði virkjast sjálfvirk hemlun til að stöðva ökutækið ef það er hætta á árekstri.
Forvarnaröryggi
Með fjölbreyttum skynbúnaði metur Polestar 3 stöðugt umhverfi sitt og hegðun ökumanns, tilbúinn að vara við og grípa inn í til að koma í veg fyrir slys.
Árekstrarvari að framan
Polestar 3 fylgist með umhverfinu með notkun fjölda háþróaðs skynjarabúnaðar sem varar ökumanninn við þegar greinast gangandi vegfarendur, hjólreiðamenn eða frávik í umferð á gatnamótum. Bíllinn hemlar sjálfkrafa ef ökumaðurinn gerir það ekki til að forðast eða draga úr hugsanlegu höggi.
Ökumannseftirlitskerfi
Án þess að geyma eða deila myndum fylgist ökumannseftirlitskerfið með augnlokum, augnaráði og höfuðhreyfingum ökumanns til að greina merki um truflun eða þreytu. Það gefur út hljóð- og sjónviðvaranir eftir þörfum, tilbúið til að hefja neyðarstöðvunarferli ef þær eru eindregið hunsaðar.
Blindpunktsaðvörun (Blind Spot Information System)
Ef ökutæki er að fara fram úr Polestar 3, varar blindpunktsaðvörunin (Blind Spot Information System) ökumanninn við með viðvörunarljósi innbyggðu í rammalausu speglana. Ef kerfið skynjar að ökumaðurinn ætli að skipta um akrein beinir stýrisstuðningurinn Polestar 3 aftur í akrein sína.
Útgönguaðstoð
Polestar 3 varar við því að fara út þegar hlutir eins og gangandi vegfarendur, reiðhjól og önnur farartæki nálgast aftan frá. LED-vísir mun blikka á rammalausa speglinum sem er næst hreyfingu sem greind hefur verið og hljóðviðvörun er gefin ef einhverjar hurðir eru opnaðar.
Eftirárekstrarvörn
Vel hönnuð yfirbygging er lykilatriði þegar kemur að öryggi. Farþegarými Polestar 3 er búið 9 loftpúðum og gert úr ofursterku stáli. Aflögunarsv æði bílsins að framan og aftan nota blöndu af efnum til að taka við og dreifa orku, sem verndar farþega í árekstrum.
Hemlun í kjölfar áreksturs
Hemlun í kjölfar áreksturs (Post-impact braking) dregur úr hættunni á alvarlegum meiðslum eða skemmdum á bílnum, auk alvarleika hugsanlegs seinni áreksturs. Þegar loftpúðarnir og beltastrekkjararnir eru virkjaðir við árekstur, gefa skynjararnir um borð bílnum merki um að hemla í stýrða kyrrstöðu, sem dregur úr eftirköstum árekstursins.
Bein aðstoð
Tveir hnappar á toppstjórnborðinu eru fyrir beina hringingu í tilviki bilunar eða slyss. Connect-hnappurinn nær í Polestar aðstoð vegna atburða eins og tómrar rafhlöðu eða sprungins dekks. SOS-hnappurinn er ætlaður fyrir neyðartilvik eins og slys. Í tilviki alvarlegs slyss hringir Polestar 3 sjálfkrafa á hjálp.
Myndir eru aðeins til sýnis.
